ଗଳ୍ପଟି ୨୦୦୩ ମସିହାରେ ପ୍ରକାଶିତ। ଅନେକ ତୃଟିର ସଂଶୋଧନ, କଳେବରକୁ ଅସୁନ୍ଦର କରୁଥିବା ସତ୍ତ୍ବେ, ନିର୍ଦ୍ଦିଷ୍ଟ ବର୍ଗର ପାଠକଙ୍କ ପାଖରେ ସବିନୟ ଉପସ୍ଥାପନା କରୁଛି ଯେଉଁମାନେ ମନେ କରି ପାରନ୍ତି ଏ ଗଳ୍ପରେ ବର୍ଣ୍ଣିତ ଘଟଣାବଳି ସତକୁ ସତ, ଘଟି ଚାଲିଛି। ଗଳ୍ପର ମୂଖ୍ୟ ଚରିତ୍ର ସହ ଯଦି ଏ ଲେଖକର କିଛି ସାମଞ୍ଜସ୍ୟ ରହିଛି ତାହା ଅନିଛାକୃତ। ସେଥିପାଇଁ କ୍ଷମା ଚାହୁଁଛି। ଗଳ୍ପ ଲେଖି ସାରିଲା ପରେ ଅନୁଭବ କଲି, ନୂଆ ଆଉ କଣ ଲେଖିଲି, ଅତି ଚମତ୍କାର ଗଳ୍ପ, 'ମାଗୁଣିର ଶଗଡ' ତ ଚିର ବନ୍ଦନୀୟ ଗୋଦାବରୀଶ ମହାପାତ୍ର କାଳ କାଳକୁ ଲେଖି ଯାଇଛନ୍ତି। ପୁରସ୍କାର ପ୍ରାପ୍ତ 'ଭୂଖା' ଚଳଚ୍ଚିତ୍ର ବି ଏହି କଳା ପ୍ରିୟ ମାଟିରେ ହୋଇଛି। ଗଳ୍ପର ନାମ କରଣ ଶ୍ରଦ୍ଧା ବଶତଃ ଚୋରାଇ ଆଣିଲି। ତେଣୁ ସେହି ପୁରୁଣା କଥା ବାରମ୍ବାର ଘଟୁଥିବା ସତ୍ବେ ମୁଁ କାହିଁକି ଭାବିବି ଯେ ଯାହା କଳ୍ପନାରେ ଆସିଥିଲା ତାହା ସତରେ ଘଟିଲା, ଯେମିତି ସରକାର ଶେଷରେ ଟେଲିଗ୍ରାଫ୍ ବିଭାଗଟା ବନ୍ଦ କରିଦେଲେ। ଗଳ୍ପଟିରେ ଥିବା ବିରୋଧାଭାସ ଚରିତ୍ର ପ୍ରତି କର୍ତ୍ତବ୍ୟ ପ୍ରସୁତ, ଲେଖକର ବ୍ୟକ୍ତିଗତ ଭାବନା ନୁହେଁ। ଏତେ ତୃଟି ଥିବା ସତ୍ବେ ଏହା ଉକ୍ତ ପତ୍ରୀକାର ସେ ବର୍ଷର ଶ୍ରେଷ୍ଠ ଗଳ୍ପ ବିବେଚିତ ହୋଇଥିଲା। 'ସ୍ମୃତିଲିପି' ସହ ଜଡିତ ସମସ୍ତଙ୍କୁ କୃତଜ୍ଞତା ଜଣାଉଛି।
No comments:
Post a Comment